Leserinnlegg: Stem på parti som støttar språkleg mangfald i Vestfold og Telemark
NOREGS MÅLLAG: – Det er gledeleg at fleire av partia i Vestfold og Telemark har tydelege programpunkt som tar omsyn til både nynorsk og bokmål, meiner leiar i Noregs mållag, Magne Aasbrenn. Foto: Kjartan Helleve.
Frå 2020 får storfylket eit ansvar for å ta vare på nynorsktradisjonen som finst i kommunane i Telemark, men også for å legge til rette slik at det blir lett å vere nynorskbrukar alle stader i fylket.
Det er også kjekt å sjå at Raudt har delar av programmet på nynorsk.
Eg oppmodar språkinteresserte til å gå gjennom partiprogram og kontakte politikarar.
Så bør dei røyste på parti og representantar som går inn for bruk av både nynorsk og bokmål administrativt og på nettsidene til Vestfold og Telemark, og for at det skal lagast ein språkbruksplan som tar vare på rettane til nynorskbrukarane.
I Vestfold og Telemark der både bokmål og nynorsk er i bruk, er det ekstra viktig at sidemålsordninga blir halden oppe, slik at skuleelevar held fram med å lære å skrive begge dei norske skriftspråka.